091-471-2724001
contact@archtvm.in

DAILY GOSPEL REFLECTIONS

Bible Passage

വിചിന്തനം: അവിടുത്തെ യഥാർഥ ശിഷ്യരാകാൻ യേശു വിഭാവന ചെയ്യുന്ന മൂന്ന് കാര്യങ്ങൾ ഇന്നത്തെ സുവിശേഷഭാഗം നിർദേശിക്കുന്നു: 1. തന്നെത്തന്നെ പരിത്യജിക്കണം, 2. സഹനങ്ങളാകുന്ന കുരിശുകൾ സ്വീകരിക്കണം; 3. ഗുരുവിനെ അനുഗമിക്കണം. താൻ സഹിച്ച് തിരസ്‌കൃതനായി വധിക്കപ്പെടേണ്ടവനാണ് എന്ന ഉത്തമ ബോധ്യത്തിൽ നിന്നുകൊണ്ട് ആ വഴിയേ, കുരിശിന്റെ വഴിയേ, തന്നെ അനുഗമിക്കുവാൻ യേശു ആവശ്യപ്പെടുന്നു. ക്രിസ്തുവിന്റെ പീഢാനുഭവത്തെക്കുറിച്ചുള്ള ആദ്യ പ്രവചനത്തിന്റെ രണ്ടാം ഭാഗമാണ് ഈ ശിഷ്യത്വ വ്യവസ്ഥകൾ. ഈ ലോകത്തായിരിക്കുന്ന നാം ഇന്ന് എന്ത് ഉപേക്ഷിക്കുന്നു? എന്തിനെയാണ് നാം കുരിശുകളായി സ്വീകരിക്കുക? ആരെയാണ് നാം ഇന്ന് അനുഗമിക്കുക? ഇവ വളരെ പ്രധാനപ്പെട്ട ചിന്താധാരകളാണ്. നമുക്കുവേണ്ടി പീഢകൾ ഏറ്റുവാങ്ങി മരക്കുരിശിൽ ബലിയായി മാറിയ യേശുവിനെയാണ് നാം അനുഗമിക്കേണ്ടത്. ആത്മാക്കളെ നേടുന്നവരായി മാറണമെങ്കിൽ സഹനങ്ങളാകുന്ന കുരിശുകൾ ഏറ്റെടുത്ത് ക്രിസ്തുവിന്റെ വഴിയെ നടന്നുനീങ്ങണം. ആത്മാവിനെ നഷ്ടപ്പെടുത്തുന്നവരാകാതെ നേടുന്നവരായിത്തീരാം.

@Pastoral Ministry

Pastoral Ministry

Copyright © 2008 - 2020 Media Commission, Latin ArchDiocese Trivandrum
Web Designed by Preigo Fover Technologies